السينابون الخطيييييير 💖💖

السينابون الخطيييييير 💖💖
ريحتة فظيييعة 😄

مكونات عجينة السينابون :: .. نص كباية لبن ....2 كوب دقيق ..... ربع كباية سكر ......تلت كوباية زبدة ...... بيضة ... معلقة و ربع خميرة فورية .....رشة ملح ..... بس خلاص 😃

اللبن يكون دافى و علية السكر و قلبيهم كويس

حطى عليهم الخميرة و غطيها و حطيها فى مكان دافى 10 دقايق تخمر .....

بعد ما الخميرة اتخمرت دة شكلها ....

حطى عليها بقى البيضة و الملح و الزبدة ..و ممكن تحطى فانيليا كمان .....

قلبيهم كويس اوى مع بعض .....

حطى عليها بقى الدقيق بالتدريج و قلبى ....

اخلطيهم كويس مع بعض هتلاقيها بتلزق شوية دة الصح ...

على الرخامة رشى دقيق و حطى العجينة و هى ملزقة كدة و لميها بأيدك و اعجنى فيها مش هتبقى بتلزق خالص ...

 اعجنيها كويس لغاية متكون طرية اوى معاكى و مبتلزقش. ..

كدة لمت خلاص سبيها ترتاح و تتخمر تقريبا ساعة أو اكتر .... لما يضاعف حجمها و تنفش. ....

هحضر بقى الحشو ..... كباية سكر بنى ... و طبعا معندكيش سكر بنى عادى جدااا و انا كمان معنديش 😄 هاتى السكر الأبيض و حطى علية معلقة كبيرة عسل اسود و قلبية كويس هيبقى سكر بنى أن شاء الله 😄. .. و علية معلقتين من القرفة و معلقة كاكاو خام "اختيارى "...

دة شكل الحشو 👍👍جاهز ..

 

العجينة خلاص خمرت افردى بقى ورق زبدة علشان متلزقش منك على الرخامة و رشى شوية دقيق و نزلى العجينة....

 

افرديها بأيدك على شكل مستطيل. ...

و افرديها بالنشابة كويس .....

و متنسيش عوزنها مستطيلة. .....

بعد ما اتفردت ادهنيها بالزبدة بدرجة حرارة الغرفة ....

 و حطى عليها بقى الحشو و افردية ....

و لفى بقى العجين براحة على شكل رول

 كدة تمام .....

بخيط قوى عندك و هنقطع السينابون علشان الخيط بيقطعها بشكل نظيف و مظبوط و حلو لاكن السكينة بتبوظ شكلة و دى تركة مهمة علشان تحفظ على شكل السينابون. ......

اقطعى الرول الأول من النص علشان يكون أسهل. ..

و اعملى كدة زى الصورة ....

خلاص اتقطع هاتى بقى صينية و ادهنيها زبدة و حطى عليها السينابون و سيبى مسافة بسيطة ما بين كل واحدة و غطيها و سبيها تتخمر تانى تقريبا ساعة و هيتضاعف حجمها و السينابون كلهم هيلزقوا فى بعض .....

كدة بعد ما خمرت هى جاهزة دخليها الفرن على درجة 350 او أعلى درجة فى الفرن تقريبا 10 دقايق و طلعيها علشان نحطلها كريمة. ...

بعد ما فات 10 دقايق عليها فى الفرن طلعيها و حطى عليها كريمة خفق على الوش و دخليها تانى الفرن تكمل تسوية تقريبا 10 دقايق كمان لغاية ما تاخد اللون الذهبى ...

هنحضر بقى التوبينج الهيتحط عليها من فوق .... 8 مكعب جبنة كيرى .... كوباية سكر بودر ... ربع كباية زبدة بدرجة حرارة الغرفة. ...معلقة صغيرة فانيليا. ...و رشة ملح ....

حطى الجبنة مع الزبدة و الفانيليا و رشة ملح قلبيهم على بعض كويس اوى....

اهرسيهم فى بعض ....

حطى عليهم السكر البودر و كملى تقليب كويس ...

حطى عليهم معلقتين تلاتة كبار من اللبن و كملى تقليب ...

دة شكلة جاهز اول ما يطلع السينابون من الفرن حطى منة عليها ...

حطى علية كدة من فوق ....

بس خلاص 😄😄

يم يم 💖 💖 👍

طعمها وهمى و ريحتة تجنن 💖💖👌💘

جربيها 💖 👍