بلح الشام 😍😍 👍👍 من مطبخى 👍 على طريقتى 😉 😄 الطريقة بالتفصيل و الصور 😄

المقادير بقى :
2 كوب من المية العادية. ...
2 كوب دقيق ...
نص كباية زبدة....
3 بيضات. . معلش الصورة فيها 4 بيضات بس و انا بعملها كان يا دوب 3 بيضات كفاية اوى ...و معلقة فانيليا سايلة أو كيس فانيليا....
معلقتين صغيرين من النشا....
معلقة صغيرة من الباكنج بودر أو كيس باكنج بودر. ..
معلقة صغيرة من السكر ... و نص معلقة صغيرة ملح ....
معلقتين صغيرين من الخل ....

حلة على النار حطى فيها كوبيتين المية و الزبدة و سبيهم يغلوا غلوة واحدة.....

وطى النار و حطى السكر و نص معلقة صغيرة من الملح ....

و معلقة صغيرة فانيليا أو كيس فانيليا. .و اطفى النار عليها ....

هاتى الدقيق و حطى علية النشا و الباكنج بودر و قلبيهم ....

حطى خليط الدقيق على المية بالزبدة السخنين و قلبى فى نفس الوقت بسرعة علشان تلم معاكى و تعمل عجينة ...

هيبقى شكلها كدة 👍.اتلمت كلها و بقت عجينة ..

حطيها فى طبق تهدى بس شوية علشان نحط عليها البيض .... لازم تهدى و متبقاش سخنة اوى علشان البيض ميستويش. .. أول ما تحسى أنها بقت دافية و مستحملة حرارتها على ايدك يبقى تمام و حطلها البيض.

هنحط ال 3 بيضات بيضة بيضة و نقلب كويس اووووووى. و بعد ما تخلصى البيض و تعجنيهم كويس حطى بقى الخل و اعجنى تانى كويس ...و لو حستيها بتلزق اوى ادهنى كف ايدك زيت و لميها هتتلم علطول و مش هتلزق ...

كيس حلوانى بتاع الكريم شانتيية و ال tip الهية البلبلة دى شكلها وردة مقفولة زى الصورة كدة بتكون أحلى شكل لبلح الشام ...

حضرى بقى طاسة فيها زيت على النار و جمبك مقس أو سكينة مدهونين زيت ....

اضغطى بقى و نزلى بلح الشام و قصى بالمقص كدة زى الصورة و طبعا بالطريقة دى هتقدرى تتحكمى فى طول بلح الشام و حولى تخليهم كلهم قد بعض فى الطول👍👍

خلى النار هادية شوية علشان يستوى من جوة و لونة يبقى ذهبى جميل من برة ....

طلعية علطول من الطاسة على الشربات الهوة زى بتاع الكنافة و الزلابية الصورة الجاية فيها مقادير الشربات كنت نزلتها قبل كدة فى طريقة الزلابية 😄😄...

بس خلاص 😄 😄 👌👌 بيقرمش من برة 👍👍

جااااااامد و رشيت علية من فوق شوية فسدق يم يم 💖 👍