أحلى و أسهل تورتاية بالشيكولاتة من مطبخى جااااامدة جدااااا 😍😍😍 الطريقة مكتوبة على بعضها فى البوست ❤❤❤❤ كل سنة و انتم طيبيين 💖 🎄🎄🎄🎄🎄🎉🎉🎉🎉🎉🎊🎊🎊🎊🎊🎊🎄🎄🎄
صور تورتاية فيديو امبارح
😄
😉 بعد ما طلعتها من التلاجة و قطعتها 
😃
💪 .. معرفتش اقص صور من الفيديو اللايف بتاع امبارح للأسف. .. إليكم المقادير و الطريقة كتابتا 
💓طيب انا هكتب مقادير الكيك بتاع التورتة هنا أهو :
5 بيضات ..
1/3 كوب سكر بودر منخول كويس.
و كمان 1/3 كوب سكر بودر منخول تانى
😄2/3 كوب دقيق
معلقة صغيرة باكنج صودا.
3 معالق كبار كاكاو خام نوع جيد.
معلقة صغيرة فانيليا.
3 معالق كبار من الزبدة السايحة .
رشة ملح .
الطريقة بقى :
اول حاجة افصلى البياض عن الصفار .
اضربى الصفار الأول دقيقتين و بعد كدة حطى علية معلقة صغيرة فانيليا و 1/3 كباية من السكر البودر المنخول و كملى ضرب لغاية ما يبقى لونة فاتح و سبية على جمب ...
هاتى بقى البياض و اضربية بالمضرب الكهربائى دقيقتين الأول و بعد كدة حطى علية هو كمان 1/3 كباية من السكر البودر المنخول كويس و علشان نتأكد انة اتضرب تمام اقلبى البولة لو البياض فضل محافظ على شكلة و ماسك من غير ما يكون هيوقع يبقى كدة هو تمام
👍.هاتى بقى الصفار المضروب و حطية على البياض المضروب و قلبيهم كويس بحركة دائرية لغاية ما يتجانسة تمام مع بعض ...
حضرى بقى الدقيق و علية الباكنج صودا و الكاكاو الخام و رشة ملح و قلبيهم و أنخوليهم فوق خليط البياض و الصفار و قلبيهم كويس بحركة دائرية علشان منخرجش الهوا العملناة و احنا بنضربهم خلى بالك .... و فى الآخر ضيفى الزبدة السايحة و قلبى كويس جداا ..... و كدة يبقى الكيك جاهز
👍 👍 هاتى بقى صينية يكون مقسها 22 علشان تكون الكيك عالى معاكى و لو عندك الصوانى أكبر يبقى ضعفى الكمية علشان الكيك يكون عالى ...و دخلية فرن سخن على درجة 180 لمدة 35 دقيقة و اتأكدى أنها استوت و اختبريها بخلة أسنان من النص و بس خلاص طلعيها و سبيها ترتاح و تبرد تماما. .
و بعد كدة قطعيها من النص و انا حشتها كريم شانتية بالكاكاو أو انتى ممكن تحشيها اى حاجة برحتك
👍.
. و من فوق عملت جاناش شيكولاتة و هو عبارة عن 3 شيكولاتة كادبورى
الشيكولاتة الواحدة 59 جرام و ضفت عليهم أزيد شوية من ربع كباية من كريمة
الخفق و سيحتهم في الميكروويف 30 ثانية فى 30 ثانية علشان يسيحوا في بعض و
ضفتهم على الكيك من فوق و شوية من صوص الشيكولاتة الجاهز مع كور شيكولاتة
مالتيزرز و دخلتها التلاجة و بس خلاص 😃 😃و متنسيش هنسقى الكيك بعد ما نقطعها نصين قبل الحشو بالشربات الخفيف زى بتاع البسبوسة و الكنافة و هو بيكون كباية من السكر عليها كباية و نص مية و نقطتين من عصير الليمون و على النار لغاية متغلى و لازم الشربات يكون ساقع ... و لو مفيش استبدلية بالسفن آب أو بمية الكومبود تنفع جداا
👍 😃 لو عوزاها بيضة من غير شيكولاتة شيلى مقدار الكاكاو بس و اعملى نفس المقادير بالظبط من غير كاكاو
😘😘
تعليقات
إرسال تعليق