الكناااااااافة ❤❤❤❤❤❤❤❤

أول حاجة هنعمل القشطة الكدابة الهية المهلبية 😄 سمحنا يا رب على الكدب دة 😄😄
2 كوب لبن بارد و عليهم 4 معالق كبار نشا ...حطيهم على النار و قلبى فيهم هيتقلوا و يعملوا المهلبية 👍

 

هى كدة القشطة الكدابة جاهزة 👌 و مبيتحطلهاش سكر.

 

 

 

 

الكنافة بقى :
نص كيلو كنافة متقطعة و كوباية نصها سمنة و النص التانى زيت 👍

 

 

حطى السمنة و الزيت على الكنافة .

 

 

 

ادعكيهم فى بعض كويس علشان السمنة و الزيت يوصلوا للكنافة كلها. ..

 

 

هاتى بقى الصينية الهنعمل فيها الكنافة و ندهنا سمنة زى الصورة.

 

 

افردى نص كمية الكنافة فى الصينية.

 

 

و بأى غطا أو طبق أو أى حاجة و اضغطى على الكنافة جااامد جدااا على قد ما تقدرى و من الأطراف اضغطى كويس.

 

 

و انزلى بالمهلبية. .

 

 

 

وزعى المهلبية كويس بس متخليهاش توصل للأطراف زى الصورة. .

 

 

 

و افردى الكمية التانية من الكنافة فوق المهلبية و اضغطى بأيدك و ساوى الكنافة بأيدك كويس و من الأطراف ...
دخليها الفرن سخن على درجة 200 تقريبا نص ساعة ..أو لما تلاقى أطرافها اخدت لون.

 

 

زى كدة الأطراف اخدت لون ذهبى فاتح زى الصورة طلعتها من الفرن. ..

 

 

 

و حطيت عليها طبق كبير علشان أقلبها. .

 

 

 

كدة قلبتها و اخدت لون حلو جدااا 👍. . ادهنى الصينية تانى زى الصورة 👍

 

 

 

و رجع الكنافة تانى للصينية علشان تستوى من تحت بقى بعد ما قلبناها 👍👍و دخليها الفرن تانى تقريبا 13 دقيقة و خلاص خرجيها من الفرن 👍

 

 

 

دة شكلها بعد ما خرجت من الفرن و قلبتها فى طبق ...

 

 

 

حطيت عليها الشربات الساقع.. و هى اخدت كبايتين من الشربات لازم الكنافة تكون سخنة و الشربات ساقع .. و مقادير الشربات كوباية سكر عليها كباية و نص مية و معلقة صغيرة فانيليا و نقطتين من عصير الليمون .. انتى اعملى كمية من الشربات و سبيها فى التلاجة تسقع. .و استخدمى للنص كيلو كنافة كبيتين من الشربات. ..

 

 

 

قطعيها بقى مكعبات 😍😍😍

 

 

 

ريحتها و شكلها و طعمها يجنن 💖 👍

 

 

سهلة جدااا و هتبهرى بيها كل الناس و لو عوزة تحطى شوية من المكسرات أو الفسدق من فوق 😍😍 👍 رمضان أحلى مع الكنافة فى البيت 😄 😄 كل سنة و انتم طيبيين 💓