الجاتوه الرينبو من مطبخي علي طريقتي

فكرة جديدة و جميلة جدا. . جاتو الرينبو هايل  و ينفع نعمل من نفس مقادير عجين الكيك سويس رول يجنن 💖 و كمان هنعمل كيك بوبس ببواقى الكيك 😉😉😄😄 الطريقة بالتفصيل و الصور 😄 
يجنن و شيك 😉 😄

رينبو جاتوه و كيك بوبس 👍👍👍💓💓💓

مقادير الكيك :
5 بيضات ...
معلقة صغيرة فانيليا سايلة. ..
1/3 كوب من السكر البودر. ..
1/3 كوب من السكر البودر تانى 😄..
2/3 كوب من الدقيق ....
معلقة صغيرة باكنج صودا. ..
رشة ملح ....
3 معالق كبار من الزبدة السايحة. ..و بس خلاص 😃

أول حاجة افصلى الصفار عن البياض و خلى بالك البياض ميكنش فية اى نقطة من الصفار خالص لحسن كدة هيبوظ الدنيا ....افصليهم براحة و البيض لما بيكون ساقع من التلاجة عملية الفصل بتكون أسهل ....

أول حاجة اضربى الصفار الأول لوحدة 3 دقايق بالمضرب الكهربائى. . و بعد كدة ضيفى علية 1/3 كوب من السكر البودر بالتدريج مع الضرب و عليهم معلقة الفانيليا و كملى ضرب لغاية ميكون الخليط كريمى و لونة اصفر فاتح. ..

دة هيكون شكل الصفار بعد ما اضرب مع السكر و الفانيليا. . سبية على جمب. ....

اضربى بقى البياض لوحدوا 3 دقايق بالمضرب الكهربائى و بعد كدة ضيفى علية هو كمان 1/3 كوب من السكر البودر و اضربيهم كويس اوى. ...

تعرفى منين أن البياض اضرب كويس مع السكر انك لما تيجى تقلبى الطبق تلاقى البياض المضروب دة لازق فى الطبق من تقلة مش بيكون خفيف و سايل. ... و كدة يبقى جاهز و بالمناسبة دة اسمة كدة المارينج 😄😄

هاتى بقى الصفار المضروب و حطية على البياض المضروب و قلبيهم فى بعض بطريقة دائرية براحة علشان منخرجش الهوا العملناة و احنا بنضربهم. ... و يبقى كدة جاهز سبية على جمب ..

 هاتى الدقيق و حطى علية رشة ملح و معلقة صغيرة من الباكنج صودا 👍 و قلبيهم

انزلى بالدقيق على الخليط بالتدريج و قلبيهم كويس بحركة دائرية زى الصورة 👍 👍 👌

و آخر حاجة ضيفى الزبدة السايحة و قلبى كويس جداا لغاية ما كلهم يمتزجوا فى بعض ....

كدة خلاص دة الشكل النهائى لخليط الكيك .... 😄😍😍😍

هاتى 6 اطباق و وزعى فيهم خليط الكيك بالتساوي على قد ما تقدرى ...

لونى كل طبق بلون من ألوان الطعام الصحية ... الألوان الجل او الألوان السايلة هما أفضل حاجة بلاش الألوان البودرة مش حلوة .. و الألوان دى بتتباع فى السوبرماركتس الكبيرة أو محلات مستلزمات الحلويات. ..

حضرى أكياس بلاستك عادية علشان هنحط جوة كل كيس لون من عجين الكيك .... و علشان تبقى أسهل جبت كباية و حطيت فيها الكيس و حطيت جوة الكيس خليط الكيك زى الصورة 👍

كدة جاهزين كل لون فى كيس 😍😍😍😍 شكلهم جامد اوى 😄😄

 

هاتى بقى صينية فرن واسعة و مستطيلة زى الصورة علشان نفرد عليها الألوان ...و ادهنى الصينية بزبدة خفيف و عليها ورق زبدة و لازم ورق الزبدة ....

انا بفتح الكيس من الجمب بالمقص علشان ينزل منة خليط الكيك و احطها بالشكل اللى فى الصورة كدة 👍 رتبى الألوان بالتدريج زى ألوان الطيف. ...

 

و بالشوكة ظبطى و افردى العجينة و ساويها. ....

 

علشان تكفى انا حطتها فى صنيتين. ... و دخلتها فرن سخن على درجة 180 لمدة 10 دقايق بس مش اكتر من كدة و اتأكدى أنها استوت اختبريها بخلة. ....

 

دة شكلها بعد ما استوت 😄😍😍😍😍😍😍 سبيها تبرد خالص .....

 

تجنن و تتشال بسهولة و طرية و ملمسها تحفة 👍👍👍👍

 

شليها بسهولة من ورق الزبدة هتتشال معاكى علطول ...

 

ممكن كدة نعملها سويس رول هايل 👍👍👌
و هيبقى الحشو بتعها ... 125 جرام من الجبنة الكريمى اضربيها لوحدها بالمضرب الكهربائى و هاتى تقريبا كباية من الكريم شانتيية المضروب و حطى الكريم شانتية على الجبنة الكريمى و عليهم نص كباية من السكر البودر المنخول و معلقة صغيرة من الفانيليا السايلة و اضربيهم مع بعض كويس بالمضرب الكهربائى و هيبقى دة الحشو التحطية جوة السويس رول و تلفية كويس و تدخلية التلاجة يمسك كويس ..... و ممكن تعملى الكيك من غير الوان خالص ...و لو عوزة الكيك بالشيكولاتة شيلى معلقتين كبار من الدقيق و ضيفى بدلهم كاكاو خام. .و بس 😄😄👍👍

 

لو عندك قطاعات ممكن تتقطعى بيها الكيك أو ممكن تقطعيهم بكباية زى ما انا عملت 😄😄👌👌

 

دة شكل الكيك بعد ما قطعتوا 😍😍😍😍😍

 

 

حطى بقى الكيك الملون فوق بعض زى الصورة و ما بينهم كريم شانتيية خفيف 😉😉😄😄

 

  

   شكلهم جميل و مختلف. ...شايفة الكيك المتقطع دة مش هنرمية. ...

زينيهم برحتك ❤👍

باقى الكيك بقى مش هيترمى طبعاااا ... هاتى طبق و فتفتى فية الكيك و حطى علية معلقة كبيرة من الجبنة الكريمى و اعجنيهم بأيدك كويس اوى ..

كوريهم زى الصورة و حطيهم فى الفريزر ربع ساعة. ..

سيحت شيكولاتة بيضة و شيكولاتة بنى ممكن بحمام مائى تسيحيهم أو فى الميكروويف 30 ثانية فى 30 ثانية لغاية ما يسيحوا. ... هاتى اللستيكس sticks بتاعت الكيك بوبس بتتباع فى محلات مستلزمات الحلويات و حطيها الأول فى الشيكولاتة السايحة و بعد كدة دخليها فى كورة الكيك الساقعة زى الصورة 👍

و خطيها بقى بالشيكولاتة برحتك 😄😄 كور الكيك علشان كانت فى الفريزر فساقعة جداا فأول ما تنزليها فى الشيكولاتة هتلاقى الشيكولاتة مسكن فى الكيك علطول مش هتلقيها سايحة و بتنقط 😉😉😄😄

 بس خلاص 😍😍😍😍😍

فكرة جديدة و جميلة جدا. . جاتو الرينبو هايل  و ينفع نعمل من نفس مقادير عجين الكيك سويس رول يجنن 💖 و كمان هنعمل كيك بوبس ببواقى الكيك 😉😉😄😄 الطريقة بالتفصيل و الصور 😄 
يجنن و شيك 😉 😄

رينبو جاتوه و كيك بوبس 👍👍👍💓💓💓