الجلاش الملفوف محشى بالمهلبية اللذيذة 😍😍 بطريقتى من مطبخى 👍 👍 يجنن 💖 الطريقة بالتفصيل و الصور 😄

أول حاجة اعملى المهلبية الهنحشى بيها الجلاش 👍. .لكل كباية لبن معلقة كبيرة نشا و معلقة كبيرة سكر ... انا الكمية العملتها 3 كبيات من اللبن و 3 معالق كبار سكر و 3 معالق كبار نشا و على النار و اقلب لغاية ما تتقل تمام و بس ....

حطى المهلبية فى طبق و سبيها تبرد تماما. ..و يا ريت لو ساقعة علشان تكون تقيلة. ...

حضرى بقى جلاش انا بحب جدا نوع السنبلة هايل 👍
و سمنة سايحة و المهلبية و صينية فرن أو ممكن بيركس. .

ادهنى الصينية بالسمنة. .

هاتى ورقة من الجلاش هى الورقة بتكون طويلة اتنيها اتنين زى الصورة ....

حطى المهلبية فوق الجلاش زى الصورة 👍 و ممكن فى اللحظة دى تحطى كمان فوق المهلبية رشة من المكسرات 😍😍👍👍

و لفى الجلاش رول زى الصورة

خلصى الكمية التحبيها.. زى الصورة كدة .

قطعى الجلاش و يا ريت بسكينة مشرشرة بطريقة متساوية على قد ما تقدرى 👍

و ادهنيها بالسمنة السيحة كويس و اتأكدى أن السمنة ادهنت فى كل مكان. ..

هتبقى كدة جاهزة تدخل فرن سخن على درجة 200 تقريبا 30 دقيقة و تبعيها لغاية ما تاخد اللون الحلو 👍

كدة بعد ما خرجت من الفرن 👍 👍 👌 👌 💖

و حطى عليها الشربات. .. و هيكون كباية من المية و عليها كباية و نص من السكر على النار تغلى غلوتين و حطى عليها معلقة صغيرة فانيليا سايلة و نقطتين من الليمون و غلوتين كمان و يبقى الشربات جاهز 👍 يبرد شوية و حطية على الجلاش و بعد ما تحطى الشربات لو حسيتى أن الشربات كتر منك و باين فى الصينية صفي الجلاش من الشربات الزيادة ...

عيدى تانى على التقطيع. ..

و سلكى الجلاش براحة زى الصورة 👍

يا سلااااام 😄 😍 😍

بالهنا و الشفا 😄 👌 👍 جربية يجنن 💖 💖