تارت الكنافة بالمنجا من مطبخى 😄 👍 سهلة جدااا كل سنة و انتم طيبيين 💖





نص كيلو كنافة + كباية سمنة ... و ممكن زبدة بدل السمنة 👍



حطى السمنة على الكنافة و كل السمنة توصل لكل مكان في الكنافة. ..
 


ادهنى الصينية بسمنة أو زبدة ....


اعملى اول طبقة من الكنافة و اضغطى عليها بأيدك كويس .. و دخليها فرن سخن على درجة 180 لغاية ما تلاقى الأطراف اخدت لون ذهبى جميل و افتحى الشواية بعد كدة يا دوب دقيقة علشان الوش ياخد لون خفيف .....


دة شكلها بعد ما طلعتها من الفرن 👍 😍 انا كدة قلبتها من الصينية و هقلبها مرة كمان فى طبق التقديم علشان الانتوا شيفينوا دة الظهر انا عوزاها على وشها ...


دة كدة وشها .. فاهمين قصدى !! شكلها رفيعة و جميلة ....


كررى واحدة كمان بنفس الطريقة علشان يكون عندنا اتنين 👍👍 كدة زى الصورة.


الهنحطها من تحت هتحطى عليها الشربات بتاع الكنافة يكون ساقع و خفيف لأن العسل الخفيف بيطرى الكنافة يعنى كباية سكر عليها كباية و نص مية ... لاكن لو عوزة الكنافة تكون مقرمشة حطى عسل تقيل و دة بيكون كبايتين سكر عليهم كباية مية أو لو عندك عسل نحل ابيض ينفع 👍.... الجزء التحت دة بس هو الهنحط علية الشربات و الجزء الثاني هنحط علية شربات بردوا بس بعد ما احطهم على بعض ..علشان لو سقتية شربات هو كمان هيطرى منك و مش هتعرفى تشلية علشان نحطهم على بعض ..


هاتى المانجة و قطعيها شرايح رفيعة ....


و كريم شانتية 😉😍😍 ديما فى الكريم شانتيية خليكى انتى المسيطرة متحطيش لبن كتير .. حطى حبة فى حبة و اضربى لغاية ما يتقل معاكى و لو حستية خفيف زودى كريم شانتيية بودر علشان يظبط ..


هنجيب راق الكنافة التحت السقيناة شربات و نفرد علية الكريم شانتيية. . و طبعا لازم الكنافة تكون بردت علشان الكريم شانتية يفضل ماسك نفسة و ميتأثرش بسخونية الكنافة ....


و افردى شرايح رفيعة من المانجة زى الصورة 👍 👍 👌


و اسقى المانجة بشوية من الشربات ....


حطى راق الكنافة التانى عليهم و بعد كدة بقى اسقية بالشربات عادى و استنى دقيقة بعد ما تلاقى الكنافة شربت الشربات افردى عليها كريم شانتيية تانى زى الصورة 👍


و مانجة تانى من فوق كدة زى الصورة 😍😍


ممكن متعمليهاش كلها بالمانجة 😉😉


حطيت فى النص فرولة 😍😍😍 و ادهنى الوش من فوق بالشربات أو بعسل ابيض أو ب جيلى مانجة 😍😍


و بس خلاص 😃 😃 جميلة اوى ❤


قطعيها بقى و اديلوا 😄😄 رمضان كريم 💓 💓

 👍👍👍👍👍👍


تعليقات

إرسال تعليق

المشاركات الشائعة من هذه المدونة

البسبوسة العملة عقدة لكل الناس و كأنها من الأسرار الحربية 😄😄 أهو أهو ولا سحر ولا شعوذة 😂😂 من مطبخى أحلى طريقة للبسبوسة بالقشطة الكدابة بالتفصيل و الصور 😉 😄 👍 👍

صورة
أول حاجة حضرى القشطة الكدابة الهية المهلبية. . و هى عبارة عن كوباية لبن ساقع دوبى فيها معلقتين كبار نشا و قلبيها على البارد كويس و بعد كدة على النار و تقلبى بالمضرب اليدوي لغاية ما تبقلل و تتقل معاكى يبقى خلاص حطيها على جمب. .... مقادير البسبوسة بقى ... كباية و 2/3 كوب من دقيق السميد .. انا بستخدم نوع اسمة خمس نجوم هايل 👍 1/2 كوب من السكر .. معلقة كبيرة باكينج بودر. .. رشة ملح ...و 2/3 كوباية من السمنة البلدى السايحة انا بستخدم سمنة NCZ أو ممكن فيرن .... و خلى بالك السمنة الحلوة هتخلى البسبوسة طعمها حلو زى المحلات. .. و مينفعش زيت ولا زبدة .. البسبوسة الصح بالسمنة البلدى 👍 معلقة كبيرة من عسل الكلوجوز دة بيتباع في محلات مستلزمات الحلويات. . و ممكن تستبدلية بمعلقة كبيرة من العسل النحل .... 1 زبادى .... بس خلاص 😄 اعملى التكنيك الأنا هقولوا بالظبط ... أول حاجة حطى الباكنج بودر على السميد و قلبى ... و عليهم السكر .... قلبيهم كويس اوى.... هاتى السمنة السايحة و يا ريت تكون دافية شوية و...
قراءة المزيد

المولتن كيك 😄 👍 👍 من مطبخى 👍 على طريقتى 👍 👍 الطريقة بالتفصيل و الصور 😄 👍

صورة
المقادير بقى : 160 جرام من الشيكولاتة الخام. . 3 بيضات ..فانيليا... نص كباية زبدة سايحة. . 3 معالق كبار سكر بودر. .. 2 معلقة كبيرة دقيق .. و بس خلاص 😃 😃 الشيكولاتة بقى ... انا بستخدم النوع دة من الشيكولاتة الخام حلوة و ممكن تستبدليها بجالكسى أو كادبورى مثلا برحتك .. شوفى الشيكولاتة مكتوب عليها كام جرام و ظبطيها أنها تكون 160 جرام .. ال 8 مكعبات الفى الصورة دول 160 جرام .... كسرى الشيكولاتة بالسكينة علشان و هى متكسرة بتكون أسهل فى الدوبان بسرعة ... حطى عليها الزبدة السايحة ... و حطيها فى الميكروويف 30 ثانية عوزين الشيكولاتة تسيح مع الزبدة ... لو معندكيش ميكروويف سيحيها فى حمام مائى. ... كدة شكلها بعد ما ساحت 😍 😍 😍 اركنيها على جمب .. هاتى البيض و حطى علية الفانيليا و انزلى بالسكر البودر و اضربى بالمضرب اليدوى 👍 👍 اضربيهم دقيقتين. ... هاتى الشيكولاتة بالزبدة و حطيهم على بعض ....و قلبى .. آخر حاجة بقى الدقيق و قلبى ... دة شكلها تمام .... هاتى بقى قالب زى الفى...
قراءة المزيد

بلح الشام 😍😍 👍👍 من مطبخى 👍 على طريقتى 😉 😄 الطريقة بالتفصيل و الصور 😄

صورة
المقادير بقى : 2 كوب من المية العادية. ... 2 كوب دقيق ... نص كباية زبدة.... 3 بيضات. . معلش الصورة فيها 4 بيضات بس و انا بعملها كان يا دوب 3 بيضات كفاية اوى ...و معلقة فانيليا سايلة أو كيس فانيليا.... معلقتين صغيرين من النشا.... معلقة صغيرة من الباكنج بودر أو كيس باكنج بودر. .. معلقة صغيرة من السكر ... و نص معلقة صغيرة ملح .... معلقتين صغيرين من الخل .... حلة على النار حطى فيها كوبيتين المية و الزبدة و سبيهم يغلوا غلوة واحدة..... وطى النار و حطى السكر و نص معلقة صغيرة من الملح .... و معلقة صغيرة فانيليا أو كيس فانيليا. .و اطفى النار عليها .... هاتى الدقيق و حطى علية النشا و الباكنج بودر و قلبيهم .... حطى خليط الدقيق على المية بالزبدة السخنين و قلبى فى نفس الوقت بسرعة علشان تلم معاكى و تعمل عجينة ... هيبقى شكلها كدة 👍 .اتلمت كلها و بقت عجينة .. حطيها فى طبق تهدى بس شوية علشان نحط عليها البيض .... لازم تهدى و متبقاش سخنة اوى علشان البيض ميستويش. .. أول ما تحسى أنها بقت دافية و مستحملة حرارتها على ايد...
قراءة المزيد