أسهل و اسرع و أنجح طريقة لكيك شيكولاتة 😉😄 جميلة جدااااا و سهلة جدااااا من مطبخى 👍 الطريقة بالتفصيل و الصور 😄

فى الخلاط حطى بيضتين كاملين و معلقة صغيرة فانيليا.

كوبيتين من السكر البودر. .

كباية لبن 'حليب'..

كباية زيت عباد الشمس أو ذرة. .

اضربيهم فى الخلاط كويس جدااا يعنى4أو 5 دقايق كدة ...

الخليط اضرب تمام 👌 حطية فى بولة. .

حضرى كبايتين إلا ربع دقيق و ربع كباية كاكاو خام .... لو عوزة الكيك من غير شيكولاتة يبقى بلاش كاكاو و خليها كوبيتين من الدقيق ....

حطى عليهم معلقة صغيرة باكنج بودر و رشة ملح ..و قلبى .

حطى الخليط بتاع الدقيق بالكاكاو على الخليط المضروب بالخلاط. .و قلبى فى اتجاه واحد لغاية ما العجينة كلها تتجانس و ميكنش فى أى أثر للدقيق أو الكاكاو 👍

كدة تمام جاهز 👍 😍😍

هاتى صينية كيك ..أى صينية عندك تنفع و ادهنيها زيت و حطى عليها ورق زبدة علشان الكيك ميلزقش و يطلع بسهولة. و فى فرن سخن على درجة 180 من 38 إلى 40 دقيقة و متفتحيش عليها الفرن إلا بعد 35 دقيقة .... علشان تتأكدى انها استوت اختبريها بخلة أسنان. .حطيها فى العجين لو طلع فيها العجين سبيها فى الفرن شوية لو الخلة طلعت نظيفة من العجين يبقى الكيك استوى 👍👌

😍😍😍😍😍 استوى و ريحة الكيك و الشيكولاتة ملية البيت 💓💓

تهدى شوية و تبرد طلعيها من الصينية و قطعيها 😍😍👍👌👍

سهلة اوى و ناجحة جداااااا اعمليها الصبح بدرى قبل المدرسة أو من بليل و ممكن تحطى فيها اى مكسرات أو شيكولاتة و ممكن تحطى فوقيها صوص شيكولاتة أو صوص كراميل 😉😄 .. حطيها للولادة فى اللانش بوكس أو يفطروا بيها. او انتى يا حبيبتى خودى واحدة😢 مع كباية الشاى باللبن او النسكافية 👍👍.جربوهااااااااااااااااا 👍👌