البراونيز بالشيكولاتة و التوت الأحمر 😍 😍 مكن تستبدلى التوت بالمربى أو بالكراميل 😄 على طريقتى 👍 من مطبخى 😄 الطريقة بالتفصيل و الصور








المقادير :
115 جرام من شيكولاتة المطبخ ... بتتباع فى محلات مستلزمات الحلويات أو السوبرماركتس الكبيرة.
نص كباية زبدة ...
نص كباية سكر بودر..
2 بيضة ....
معلقة صغيرة من الفانيليا السايلة. ..
3/4 كوباية من الدقيق و ربع معلقة صغيرة من الملح ..
التوبينج :
علبة توت أحمر ...أو ممكن كراميل. ...
90 جرام من شيكولاتة جالاكسي سادة ...
80 ملى من كريمة الخفق للحلويات. ..
معلقة كبيرة زبدة .....
و بس خلاص 😃😃



هنسيح الشيكولاتة بتاعت المطبخ فهنحط عليها نص كباية الزبدة و نحطها على حمام مائى على النار. ...




بتبتدى تسييح قلبى فيها. ...


بعد ما ساحت خلاص حطى عليها بقى السكر البودر و قلبى جامد بالمضرب السلك اليدوي. .
حطى عليهم اول بيضة و كملى ضرب. ...
و البيضة التانية و اضربى تانى كويس. ...
و معلقة صغيرة من الفانيليا السايلة. ..و هتلاقيها بتتباع فى محلات مستلزمات الحلويات أو سوبرماركت سعودى. ..و قلبى ...


حطى الملح على الدقيق ....

و ضيفية على الشيكولاتة العملناها.....و قلبيهم فى بعض...
 هيبقى شكل الخليط كدة 👍 
 هاتى بقى صينية و ادهنيها زبدة و الصينية تكون مربعة و لو عوزة سمك البراونيز عالى يبقى خالى الصينية صغيرة. .. و حطى الخليط. .و وزعية كويس و دخلية الفرن سخن على درجة 180 من 20 إلى 25 دقيقة بس و اختربية استوى ولا لأ بخلة أسنان و طلعية يبرد خالص ....
 دة شكلة بعد ما طلعت من الفرن 👍
هنعمل التوبينج بقى: الهوة الشوكليت جاناش ... الشيكولاتة جالاكسي 90 جرام يعنى 2 شيكولاتة كاملة و معاهم مكعبين زى الصورة يعنى 14 مكعب من شيكولاتة جالاكسي السادة. ... و عليها كريمة خفق 80 ملى يعنى تقريبا ربع كباية و معلقة كمان عليهم بس ... و معلقة كبيرة من الزبدة ...
حطيهم على بعض و سيحيهم بردوا فى حمام مائى على النار لغاية ميسيحوا و يتجانسوا. ..

هيبقى عامل كدة و هو دة الشوكليت جاناش البيتحط على التورت و الجاتوا و الدونتس و البتيفور و اى حاجة ... و خلى بالك اختيارك لنوع الشيكولاتة هو الهيخلى طعمة حلو أو وحش و جالاكسي معاة تحفة 👍👍
بعد ما البراونيز استوت طلعتها من الصينية و حطتها فى طبق و بالسكينة قطعت الأطراف علشان يبقى شكلة حلو ... و حطيت عليها من فوق طبقة من التوت الأحمر. . Raspberry


 التوت الأحمر دة كان متبقي عندى من وصفة التشيز كيك 😄😄 بيتباع فى السوبرماركتس الكبيرة. . و شكل العلبة متصور مع المقادير فى أول صورة. .. ممكن تحطى بدالة كراميل. .. و وصفتى للكراميل هتلاقوها فى الصفحة هنا ....
 و عليهم بقى الشوكليت جاناش 😍😍
wooooooow 💖💖👍

 قطعيها مكعبات. ... 

 تجنن بجد و طعمها أحلى من اى براونيز ممكن تكليها برة. ...مش قادرة اقلك جميلة ازاى مع التوت الأحمر 😍

 يم يم .... اعملى معاها كابتشينو و اقعدى فى البلكونة و اسمعى الراديو فيروز مثلا و تخيلى نفسك خرجتى و روحتى كافية 😄 😄 دلعى نفسك انتى شقيانة 😘

 💖💖💖💖💖💖💖💖💖


تعليقات

إرسال تعليق

المشاركات الشائعة من هذه المدونة

البسبوسة العملة عقدة لكل الناس و كأنها من الأسرار الحربية 😄😄 أهو أهو ولا سحر ولا شعوذة 😂😂 من مطبخى أحلى طريقة للبسبوسة بالقشطة الكدابة بالتفصيل و الصور 😉 😄 👍 👍

صورة
أول حاجة حضرى القشطة الكدابة الهية المهلبية. . و هى عبارة عن كوباية لبن ساقع دوبى فيها معلقتين كبار نشا و قلبيها على البارد كويس و بعد كدة على النار و تقلبى بالمضرب اليدوي لغاية ما تبقلل و تتقل معاكى يبقى خلاص حطيها على جمب. .... مقادير البسبوسة بقى ... كباية و 2/3 كوب من دقيق السميد .. انا بستخدم نوع اسمة خمس نجوم هايل 👍 1/2 كوب من السكر .. معلقة كبيرة باكينج بودر. .. رشة ملح ...و 2/3 كوباية من السمنة البلدى السايحة انا بستخدم سمنة NCZ أو ممكن فيرن .... و خلى بالك السمنة الحلوة هتخلى البسبوسة طعمها حلو زى المحلات. .. و مينفعش زيت ولا زبدة .. البسبوسة الصح بالسمنة البلدى 👍 معلقة كبيرة من عسل الكلوجوز دة بيتباع في محلات مستلزمات الحلويات. . و ممكن تستبدلية بمعلقة كبيرة من العسل النحل .... 1 زبادى .... بس خلاص 😄 اعملى التكنيك الأنا هقولوا بالظبط ... أول حاجة حطى الباكنج بودر على السميد و قلبى ... و عليهم السكر .... قلبيهم كويس اوى.... هاتى السمنة السايحة و يا ريت تكون دافية شوية و...
قراءة المزيد

المولتن كيك 😄 👍 👍 من مطبخى 👍 على طريقتى 👍 👍 الطريقة بالتفصيل و الصور 😄 👍

صورة
المقادير بقى : 160 جرام من الشيكولاتة الخام. . 3 بيضات ..فانيليا... نص كباية زبدة سايحة. . 3 معالق كبار سكر بودر. .. 2 معلقة كبيرة دقيق .. و بس خلاص 😃 😃 الشيكولاتة بقى ... انا بستخدم النوع دة من الشيكولاتة الخام حلوة و ممكن تستبدليها بجالكسى أو كادبورى مثلا برحتك .. شوفى الشيكولاتة مكتوب عليها كام جرام و ظبطيها أنها تكون 160 جرام .. ال 8 مكعبات الفى الصورة دول 160 جرام .... كسرى الشيكولاتة بالسكينة علشان و هى متكسرة بتكون أسهل فى الدوبان بسرعة ... حطى عليها الزبدة السايحة ... و حطيها فى الميكروويف 30 ثانية عوزين الشيكولاتة تسيح مع الزبدة ... لو معندكيش ميكروويف سيحيها فى حمام مائى. ... كدة شكلها بعد ما ساحت 😍 😍 😍 اركنيها على جمب .. هاتى البيض و حطى علية الفانيليا و انزلى بالسكر البودر و اضربى بالمضرب اليدوى 👍 👍 اضربيهم دقيقتين. ... هاتى الشيكولاتة بالزبدة و حطيهم على بعض ....و قلبى .. آخر حاجة بقى الدقيق و قلبى ... دة شكلها تمام .... هاتى بقى قالب زى الفى...
قراءة المزيد

بلح الشام 😍😍 👍👍 من مطبخى 👍 على طريقتى 😉 😄 الطريقة بالتفصيل و الصور 😄

صورة
المقادير بقى : 2 كوب من المية العادية. ... 2 كوب دقيق ... نص كباية زبدة.... 3 بيضات. . معلش الصورة فيها 4 بيضات بس و انا بعملها كان يا دوب 3 بيضات كفاية اوى ...و معلقة فانيليا سايلة أو كيس فانيليا.... معلقتين صغيرين من النشا.... معلقة صغيرة من الباكنج بودر أو كيس باكنج بودر. .. معلقة صغيرة من السكر ... و نص معلقة صغيرة ملح .... معلقتين صغيرين من الخل .... حلة على النار حطى فيها كوبيتين المية و الزبدة و سبيهم يغلوا غلوة واحدة..... وطى النار و حطى السكر و نص معلقة صغيرة من الملح .... و معلقة صغيرة فانيليا أو كيس فانيليا. .و اطفى النار عليها .... هاتى الدقيق و حطى علية النشا و الباكنج بودر و قلبيهم .... حطى خليط الدقيق على المية بالزبدة السخنين و قلبى فى نفس الوقت بسرعة علشان تلم معاكى و تعمل عجينة ... هيبقى شكلها كدة 👍 .اتلمت كلها و بقت عجينة .. حطيها فى طبق تهدى بس شوية علشان نحط عليها البيض .... لازم تهدى و متبقاش سخنة اوى علشان البيض ميستويش. .. أول ما تحسى أنها بقت دافية و مستحملة حرارتها على ايد...
قراءة المزيد